Imetumwa : August 30th, 2021
Mkurugenzi Mtendaji wa Halmashauri ya wilaya ya Nachingwea Mhandisi Chionda A . Mfaume amefanya kikao na watendaji wa kata zote za Wilayani Nachingwea leo Agosti 30, 2021 katika ukumbi wa Halmashauri na kueleza dhamira na dira katika kutekeleza majukumu ya kuwatumikia wananchi na kuhakikisha Nachingwea inasonga mbele.
Mhandisi Chionda, amewataka watendaji kuwa waadilifu katika kutimiza majukumu yao, kubuni vyanzo vipya vya mapato kutoka ndani ya Kata zao na udhibiti wa mapato, Vilevile kusimamia Miradi iliyopo ndani ya Kata, Kuepuka kujihusisha na rushwa, kuwa sehemu ya utatuzi wa kero na migogoro ya wananchi kama vile ya wakulima na wafugaji.
Watendaji wa Kata wametumia fursa ya kikqao hicho, kueleza changamoto zao katika utendaji kazi,. Moja ya changamoto waliyoeleza ni kukosekana kwa usafiri kwa baadhi ya watendaji wa kata ambao bado hawajapata Pikipiki. Mkurugenzi amewaahidi kulifanyia kazi na kuwapa ushirikiano wa kutosha katika kutatua changamoto zao .
