Imetumwa : October 7th, 2024
Leo 7 Oktoba 2024,Waandikishaji wa wapiga kura (576) wamepewa mafunzo katika ukumbi wa mikutano wa TTC Nachingwea, ambapo kati yao 525 ni waandikishaji kutoka katika vitongoji vyote vya Nachingwea, 15 ni waandikishaji wa akiba na 36 ni wasimamizi wasaidizi ngazi ya Kata.
Msimamizi wa Uchaguzi Mhandisi Chionda A. Kawawa ametoa rai kwa waandikishaji hao kufuata kile walichofundishwa na kuzingatia kanuni za Uchaguzi wakati wa zoezi la uandikishaji linalotarajiwa kuanza tarehe 10 hadi 20 mwezi wa kumi 2024.
Waandikkshaji hao wameapa na wako tayari kwa kuanza zoezi la uandikishaji, Afisa Uchaguzi ndugu Robert Mmari amewasihi waandikishaji hao kufuata taratibu na kuuliza pale wanapokosa majibu na sio kufanya kwa utashi.
Aidha, Mhandisi Chionda amewapongeza waandikishaji hao kwa kuteuliwa kufanya kazi hiyo na kuwaahidi kuwapa ushirikiano pale watakapohitaji, pia amewataka kufanya kazi kwa juhudi ili kufikia malengo na kufanya wananchi wengi kushiriki kupiga kura siku ya tarehe 27 Novemba 2024.
"Serikali za Mitaa, Sauti ya Wananchi, Jitokeze kushiriki Uchaguzi"
