Imetumwa : February 17th, 2022
Mkuu wa Wilaya ya Nachingwea Mhe. Hashim A. Komba amezindua rasmi mpango wa Anuani ya makazi leo February 17, 2022 katika Chuo Cha Ualimu Nachingwea (TTC)
.Mhe. Komba ameeleza dhamira ya Mpango huo katika kudumisha na kuboresha maswala ya ulinzi na usalama na kuwa na Takwimu sahihi ambazo zitaisaidia Serikali ama wahisani katika kufanya maamuzi sahihi katika kupanga Mipango ya Maendeleo ya eneo husika hasa huduma za Kijamii na miundombinu mingine.Mhe. Komba ameyaeleza hayo katika kikao hicho Cha uzinduzi kilichoshirikisha wenye Viti wa vitongoji, wenyeviti wa Vijiji, watendaji wa Vijiji, watendaji wa kata , Maafisa Tarafa, wazee maarufu, viongozi wa Dini, Waheshimiwa madiwani, Vijana na makundi mbalimbali ya kijamii.Licha ya kueleza dhamira njema ya Mpango huo, Mhe. Komba amewasihii Sana wananchi kuonesha ushirikiano katika kufanikisha mpngo huo wenye tija kwa Wilaya na Taifa kwa ujumla wake .
Mfumo huu wa anuani ya makazi unafaidi zifuatazo
1. Kila Raia atakuwa na anuani yake halisi ya makazi hivyo kurahisiha utambulisho wake.
2. Kuwezesha kufanyika kwa biashara mtandaoni
3. Kuboresha ufikiwaji wa sehemu za kutolea huduma ie. Bank, Hotel, Hospital na nk
4. Kuimarisha ulinzi na usalama ikiwemo utoaji wa huduma za dharura kama vile Polisi, Zimamoto na Magari ya wagonjwa kwa kuyatambua maeneo yenye dharura na kuyafikia kwa wakati.
5. Kurahisisha Shughuli za tafiti na upatikanaji wa tafiti na upatikanaji wa taarifa mfano sensa
