Imetumwa : January 23rd, 2025
Leo tarehe 23 Januari, Mwenyekiti wa Halmashauri, Mheshimiwa Adinan Mpyagila, amekabidhi kilo 200 za mahindi kwa lengo la kuunga mkono wananchi wenye mahitaji maalumu (walemavu wa macho) ambapo Kilo 200 hizo ni mchango kutoka kwa Mkuu wa Wilaya Hassan Moyo pamoja na Mwenyekiti wa Halmashauri, ikiwa ni kwa kilo 100 kutoka kwa wawili hao.
Zoezi hilo lilifanyika leo kwenye kijiji cha Mwenge, ambapo pia walikabidhi miche ya minazi, mbegu za ufuta, choroko, na mbaazi kwa wakulima Mheshimiwa Adinan amewaomba wadau wengine kuguswa kutoa walichonacho ili kuwasaidia wananchi hao wenye uhitaji wa chakula katika kijiji cha Mwenge, kata ya Mitumbati.
Akipokea msaada huo, Afisa Mtendaji wa Kijiji cha Mwenge, Mwanaidi Chenga, ametoa shukrani kwa niaba ya wananchi na kusema kuwa msaada huo ni wa muhimu kwa wananchi wenye mahitaji maalumu ndani ya kata hiyo.
#Tupovizuri
