Imetumwa : October 7th, 2024
Leo Oktoba 7, 2024 timu ya Idara ya Maendeleo ya Jamii ikiongozwa na Mkuu wa Idara hiyo Bi.Stella Kategile wamefanya mkutano na wananchi wa kijiji cha Naipingo pamoja na serikali ya kijiji kuhamasisha uchaguzi wa serikali za mitaa.
Kategile ametoa rai kwa wananchi kujiandikisha kuanzia tarehe 11 hadi 20 Oktoba na kujitokeza kwa wingi kupiga kura na kugombea nafasi mbalimbali za uongozi kwa we wenye sifa, pia ametilia mkazo matumizi ya fursa za mikopo ya 10%, na kuwashauri wachangamkie na kulipa madeni ya mikopo ili wengine wapate nafasi ya kukopa.
Kwa upande mwingine maafisa hao wamewahamasisha wakazi wa kijiji cha Naipingo kujitolea kwa umoja kuunga mkono ujenzi wa zahanati ya kijiji ambapo kijiji kimepokea shilingi milioni 50 kwa ajili ya ujenzi wa zahanati.
Aidha, Mwenyekiti wa kijiji ameasa wananchi kujiandikisha kwenye daftari la wapiga kura mapema, badala ya kusubiri siku ya mwisho, wasisitize muda huu wa siku kumi kwa ajili ya kujiandikisha ili waweze kushiriki katika uchaguzi.
