KIONGOZI WA MBIO ZA MWENGE WA UHURU AWAPONGEZA RUWASA NACHINGWEA KWA KUFANYA MANUNUZI KWA MFUMO MPYA WA NEST

Imetumwa : May 26th, 2024

Kiongozi wa mbio za Mwenge wa Uhuru kitaifa ndugu Godfrey Eliakimu Mnzava amewataka vijana wa klabu za kuzuia na kupambana na Rushwa wa shule za Sekondari Wilayani Nachingwea kuendelea na mapambano ya kuzuia na Rushwa hata watakapomaliza masomo yao.

Pia, kiongozi huyo wa mbio za Mwenge amewapongeza Wakala wa usambazaji maji vijijini (RUWASA) kwa kutumia mfumo mpya wa manunuzi wa kidijitali (NEST) kwakua ni mfumo thabiti na unaepusha matumizi mabaya ya fedha za umma.

Amevufungua mradi wa huduma ya maji Muungano Namatula ambapo katika mradi huo jumla ya wanufaika 12,219 watapata huduma hiyo na miongoni mwa vijiji wanufaika ni pamoja na Muungano, Namatula,Kiuwe,Naipingo,Mapochelo na Mchonda.

Aidha, amesema kuwa maji safi na salama  ni muhimu kwa binadamu na anamatumaini makubwa mradi huo unakwenda kuwasaidia wakazi wa maeneo hayo. Sambamba na hilo amefungua wodi grade 1 ambayo imejengwa kutokana na mapato ya ndani yenye thamani ya 175,154,000.