Imetumwa : September 16th, 2022
Mkuu wa Wilaya ya Nachingwea Mhe. Hashim A. Komba amepokea vifaa vya ujenzi kutoka kwa wadau mbalimbali wa maendeleo wakiwemo RUNALI ambao wamechangia saruji mifuko 200 kwa ajili ya ukarabati wa wodi ya wazazi Hospitali ya wilaya ya Nachingwea.
Mhe. Komba akipokea vifaa hivyo amewashukuru wadau hao kwa juhudi zao kubwa wanazozidi kuzionesha kila siku katika kusaidia shughuli mbalimbali za maendeleo wilayani Nachingwea
Aidha, ukarabati wa Wodi hiyo ambayo ilikuwa na uchakavu mkubwa unatarajiwa kuanza Oktoba 2022. Amewasihii wananchi, wadau na wahisani mbalimbali kuendelea kusaidia shughuli mbalimbali za maendeleo ili kuweza kuendana na kasi ya maendeleo ya dunia.
