Imetumwa : August 28th, 2024
Mkuu wa Wilaya ya Nachingwea Mheshimiwa Mohamed Hassan Moyo leo Agosti 28, 2024 amezingua zoezi la ugawaji wa hati miliki za viwanja, uzinduzi huo umefanyika katika ofisi za Kata ya Nambambo.
Katika hafla hiyo fupi Mhe Moyo amesema tayari wanannchi zaidi ya 1200 watapata hati miliki za viwanja vyao na tayari zimeandaliwa, pia kila mwananchi atakaehitaji hati miliki atatakiwa kufanya malipo ya Sh 100,000.
Aidha, Mhe Moyo amewapongeza wote ambao tayari wamejipatia hati miliki zao kwani hiyo ndio njia sahihi ya kisheria ya umiliki wa ardhi na ina manufaa makubwa kwa wananchi kwani inaweza kutumika kama zamana kubwa katika maeneo mbalimbali.
Mhe Moyo amewataka wananchi kua makini kwani wanaweza kutokea matapeli na kuwarubuni kwamba ni maafosa wa Ardhi ili waweze kuwaibia.
