Imetumwa : October 25th, 2019
Mabasi yote kupakia na kushusha abiria Stendi Mpya
Mkuu wa Wilaya ya Nachingwea Mheshimiwa Hashim Komba amewataka wasafirishaji na abiria wote kuanza kutumia stendi mpya kuanzia tarehe 25.10.2019 Asubuhi.
Ametoa agizo hilo kwenye mkutano wa hadhara uliofanyika jana kwenye viwanja vya Stendi ya zamani uliokuwa na lengo la kusikiliza kero za wananchi
“Magari yote kuanzia kesho yatapakia na kushusha abiria ndani ya Stendi mpya kuanzia kesho (leo), eneo hili litatumika kuegesha malori tu” Alisema mheshimiwa Komba
Aidha, ameigiza Halmashauri kuwajengea mama ntilie banda moja kubwa ambalo watalitumia katika shughuli zao za kutoa huduma ya chakula tofauti ambapo walitakiwa kujenga wenyewe kwa kupewa kibanda cha mfano.
Katika Mkutano wananchi walipata fursa ya kutoa kero mbalimbali ambapo wakuu wa Idara na vitengo vya Halmashauri walitoa majawabu ya kero hizo.
Pia ameigiza Halmashauri kufungua soko kuu la Nachingwea kufunguliwa tarehe 26.10.2019 na kutaka maandalizi yafanyike ili ifikapo tarehe hiyo wafanyabiashara wanaostahili wawe katika maeneo husika.
